Vi nøstar opp ei ellevill historie frå tidleg 1900-tal, der Hans Andersen brukte nesten heile livet på å svindla einslege kvinner. Og oppskrifta var den same kvar gong, for han sjarmerte kvinnene i senk og lurte dei til å tru han var styrtrik. Og etter at kvinnene hadde lånt han penger, forsvann han sporlaust. Men ein dag tok eventyret slutt, og Andersen måtte møta i retten. Der vart alle detaljar frå den kriminelle karriera hans bretta ut framfor sjokkerte tilskodarar.

Vi får og høyra historia om Anne Pedersdotter, som på 1500-talet levde eit liv på toppen av samfunnet i Bergen, som ei privilegert prestefrue. Makta og innflytelsen skaffa ho mange fiendar, og då mannen ein dag døydde slo dei til. Anne vart skulda for noko av det mest alvorlege ein kunne halde på med, nemleg trolldom. No måtte ho kjempa ein desperat kamp for å sleppa å hamna på heksebålet.

Begge historiene blir stemningsfullt akkompagnert av stumfilmpianist Kjetil Schjander Luhr.

Med Chris Nyborg, Live Vedeler Nilsen og Lars Håkon Hammeren Risberg.