På dette totimarskurset lærer du å lage ein enkel visp, med ståltråd og tong.
Trådsløyd og strengarbeid er tett knytt til romanikulturen, men det vakre handverket held på å bli gløymt. Vispar, bordskånarar, knaggar, lysestakar og klokkestativ er typiske gjenstandar som blei laga ute på landevegen. Hesjetråd og andre materiale var lett tilgjengelege, og gjenstandane var lette å selje undervegs.
– Trådarbeidet er ofte knytt til lav status og naud, men det er viktig at nokon held fram med å lære seg handverket og tradisjonane bak, før det går heilt i gløymeboka, seier kurshalder Per Henrik Moe.
Saman med Roger Johansen viser han korleis du lagar ein visp, steg for steg. Du får sjå andre typiske gjenstandar, og sekretær i Taternes Landsforening, Lillan Støen, fortel kva rolle dette handverket har spelt for romanifolket.
Det er berre 40 plassar per kurs, så meld deg på for å få plass!
Kurset er gratis.
